iritzia
Akuilua
Garbine Ubeda
Neurriz gora hartzen duena munduaren jabe sentitzen omen da, ahalguztidun, ez oinaze eta ez beldur, euforiaz gainezka. Ā«Egurra eman eta eman ari gintzaizkien komisarian, eta dibertsio betean baleude bezala jokatzen zutenĀ», narkotikoen aurkako brigadetako poliziek captagonez drogatutakoengatik esana. Kimikoki sintetizatzen erraza eta merkea, barra-barra fabrikatzen omen da orain Sirian. Estatu Islamikoaren aldeko milizianoen pentsua dela esaten zaigu; fedea fede, masakreetarako adorea ematen dien pizgarria dela, eta arma garrantzitsua, fusilekin batera. Tunisian 39 turista hil zituen gazte hari ere droga horren arrastoa aurkitu omen zioten autopsiakoan.
Ez da justifikazioa. Baina zenbait gauza ulertzen laguntzen du.