iritzia
Terrorea (III)
Angel Erro
Intsektizida esprai aspaldian erabili gabea hartu eta armiarma destatu nuen. Hasieran ez nuen eraginik nabaritu. Pentsatu nuen pozoia iraungita egonen ote zen, halakorik posible bada. Horregatik jarraitu nuen hatza sakagailuan, hustu nuen arte. Deskargaren erdian edo, edonola ere nik espero baino askoz beranduago, armiarma bere baitan bildu eta Star Wars-eko Aliantza Errebeldearen ikurraren itxura hartu zuen, azkenik geldi.
Goizean izugarrizko buruko minez esnatu naiz, deus hoberik ezin idazterainokoa. Akaso bazen erantzun neurrikoagorik.